БЭХЭРЭ "Эжийдээ би нялхаараа"

Wednesday, October 28, 2009

БЭХЭРЭ "Эжийдээ би нялхаараа"

ӨМНӨХ ШИГ БҮГД ХЭВИЙН ЯГ Л БАЙДГААРАА

ӨГЛӨӨ ЭРТЛЭН БОСОЖ ХЭДЭН ХҮҮХДЭЭ ХУВЦАСЛАНА

ӨӨРӨӨ ЧАДАХ АТЛАА НАМАЙГ ХАРДАГ НӨХРӨӨ ХАЛАМЖИЛНА

ХИЧЭЭЛ СУРГУУЛИЙН ЦАГ БОЛЖ БҮГД ГЭНЭТ АНИР ЧИМЭЭГҮЙ

ХОГОНД НОВШИРСОН ГЭР, ХАГАС ДУТУУ ХООЛ

ХАЛТАР ХЭДЭН ХУВЦАС ХАА САЙГҮЙ ХӨГЛӨРНӨ

САРЫН ЭЦЭС БОЛЖ ХҮНСЭЭ ЦУГЛУУЛАХГҮЙ БОЛ БОЛОХГҮЙ БАЙДАГ

САЯХАН ТӨРСӨН НАЙЗЫГАА ЭРГЭЖ ОЧМООР БАЙДАГ

САНЧИГ БУУРАЛ ЭЖИЙДЭЭ ЦАЙНЫ СҮҮ ДӨХҮҮЛМЭЭР БАЙДАГ

БОДОЛ ТАЛ ТАЛД ТАРААД ЭМХ ЗАМБАРААГҮЙ

БОР ГЭРЭЭ НЭГЭНТЭЭ ТОЙРУУЛАН ХАРААД

БУДАЖ ЯНЗЛАЛГҮЙ ГАРТАА ТААРСНАА ӨМСЛӨӨ

ХОНГОРХОН ИЖИЙ МИНЬ ӨДИЙД ЛАВ БОСЧИХСОН ДОО

ХҮРЧ ОЧИХОО ХЭЛЧИХВЭЛ ХООЛ ЦАЙ ГЭЭД САНДАРЧИХНА

ХЭЛЭЛГҮЙ ОЧИЖ МУУ ИЖИЙГЭЭ НЭГ БАЯРЛУУЛЪЯ ДАА

ШҮҮГЭЭНИЙ ЁРООЛД ХАДГАЛСАН ХЭДЭН ТӨГРӨГӨӨ АВЛАА

ШИРЭЭН ДЭЭРЭЭС МАШИНЫХАА ТҮЛГҮҮРИЙГ ШҮҮРЭЭД

ШУЛУУХАН БҮГДИЙН ДЭЭГҮҮР АЛХААД ГАРЧ ЯВЛАА

ХАЖУУ НЭГ ӨРӨӨНДӨӨ БАЙЛГАЯ ГЭЖ БОДОВЧ

ХАМЖААРГАГҮЙ ХЭДЭН ХҮҮХЭД НЬ ЯДРААЧИХНА ГЭЖ ЭМЭЭГЭЭД

ХАА ХОЛ ГЭР ХОРООЛОЛД ИЖИЙГЭЭ БАЙЛГАНА...

ХҮҮХЭД НӨХРӨӨ МАЛЛАСААР ИЖИЙДЭЭ ХҮРЭХ ЦАГ ХОМСХОН

ХАРААД ХИЙГЭЭД БАЙВАЛ АЖИЛ УНДРААД Л БАЙДАГ БОЛОХООР

ХЭРЭГ БОЛГООД ӨНӨӨДӨР БҮГДИЙГ ОРХИСОН НЬ ЭНЭ

ГАРАХ ХИЙХ АЖИЛГҮЙ Ч ИЖИЙ МИНЬ ЭРТ СЭРДЭГ ХЭВЭЭРЭЭ

ГЭРИЙХ НЬ ЯНДАНГААР УТАА СУУНАГЛАЖ ХАРАГДЛАА

ГЭНЭТХЭН ОРЖ ИЖИЙГЭЭ ТҮРГЭХЭН БАЯРЛУУЛЪЯ

ХААЛГЫГ НЬ НЭЭГЭЭД ОРТОЛ ИЖИЙ МИНЬ ХАЛЬТ САРАВЧИЛСНАА

ХҮҮ МИНЬ ХҮРЭЭД ИРЭХ ГЭЖ ГЭЭД УУЛГА АЛДАН БОСЛОО

ХҮРЧ ОЧООД ТАНЬДАА ХАЦРАА ӨГӨН ҮНСҮҮЛЬЕ

ИЖИЙ НЬ НЭГ ХҮРЭЭД ОЧЪЁ ГЭЖ БОДООД Л СУУЛАА ГЭСЭЭР

ЭРГЭНЭГЭЭ ТҮЧИГНҮҮЛЖ ТАВАГТАЙ ИДЭЭ ГАРГАЖ ИРНЭ

ЭВИЙ ОХИН МИНЬ ЯДРУУХАН ХАРАГДАЖ БАЙНА ХЭВТ ГЭЖ ДУХ БАЙСХИЙН ҮНЭРЛЭНЭ

ХАР ШӨЛ ХИЙЖ ОХИНЫХОО ЯДАРГААГ ТАЙЛНАА

ХАЖУУЛДААД ХЭСЭГ ДУГ ХИЙГЭЭД АВ

ХЭДЭН ХҮҮХЭД НЬ САЙН УУ ГЭСЭЭР ҮРГЭЛЖЛҮҮЛЭН БӨГТГӨНӨНӨ

АЛБАТАЙ ЮМ ШИГ ХАА ХОЛООС ИРЧИХЭЭД ХЭВТЭХ БИ ЮУ БИЛЭЭ

АЛИВ ИЖИЙ МИНЬ ТА СУУ БИ ТАНЬД ЦАЙ ЧАНАЖ ӨГЬЕ

АВДРАНДАА ХЭДЭН ЧИХЭР АВААРАЙ ЭНЭ ХЭДЭН ТӨГРӨГ

ЯАХ НЬ ВЭ ДЭЭ МИНИЙ ОХИН

ЯМАР ЮМ АВАХ БИШ ДЭЭ ИЖИЙ НЬ

ЯВДАЛ БОЛЖ ИРЧИХЭЭД БАС МӨНГӨ ГЭХ ЮМ

ХӨЛС НЬ БУРЗАЙЖ ЦАЙ ООЧИЛОНГОО ИЖИЙ МИНЬ

ХЭЛ АМ СУГАЛАХ ШАХАН ДЭВЭН ДЭЛХИЙГ ЯРИНА

ХЭТРҮҮЛЖ ЗАРИМЫГ ДАВС НЭМЭН ХУУЧИЛНА

АР ГЭРЭЭ МАРТЧИХААД ИЖИЙДЭЭ ИРЖ Л НЯЛХРАХ ЮМ ДАА БИ

АЯДУУ ЗӨӨЛӨН ХООЛОЙД НЬ УЯРЧ ЭРХЭЛЖ ҮДЛЭХ ЮМ ДАА

АРГАГҮЙ ЦАГИЙН ЗҮҮ ХОЙШЛОХЫГ ЭРХЭЭР УНДУЙ СУНДУЙ ГЭР НҮДЭНД ХАРАГДСААР БУЦАХЫМ ДАА